بينما انا جالس على جهاز الكومبيوتر الخاص بى ومستمتع وحدى بالبيت بمشاهدة البرنامج للاستاذ باسم يوسف وفجأة اجد نور المنزل ينطفأ فقد انقطعت الكهرباء وتوهجت شاشة الكومبيوتر بابتسامة خبيثة وعينان وانف.
كنت لا اصدق نفسى هل ما اراه يحدث فعلاً هل ارى للشاشة عينان وانف وفم وتبتسم لى ذهبت مسرعًا أغسل وجهى كى أفق من ذلك الوهم . فإذا بى اجد ان كل شىء اصبح هكذا. وفجأة بدأ يتحدث إلى الجميع !!!!!!!!
التيشرت ::: الثورة ضاعت !!
التلفزيون ::: ده حق الشهداء رااااح !!
شاشة الكومبيوتر ::: فاضل كام يوم وكل النشطاء والثوار يتسحلوا ع السجون وميفضلش فى البلد الا اخواتنا المواطنين الشرفاء !!
الساعة ::: يبقى الثورة ضاعت ومصر ضاعت وحق الشهداء ضاع !!
النتيجة ::: يعنى مستقبل عيالنا نفسه ضاع !!
جريت اخرج من البيت من اللى شوفته لقيت برده بره بيحصلى نفس اللى بيحصل جوا قلت انا اكيد اتجننت بدأت أرد على أى حاجة بتكلمنى
أنا ::: ادينا بنعمل اللى علينا !! يعنى نعمل ايه يعنى ... الشعب قارف ابونا !! اذا كان اهالينا نفسهم مش طايقينا !! واديكوا شايفين كل ما ننزل نطالب بحق البلد دى نتسحل والشارع يسيبنا !!
دخلت البيت
الاباجورة تسألنى ::: انت هتكدب هو انت عمرك نزلت مظاهرة .. ده انت بتتظاهر مع نفسك فى الحلم انت هتشتغلنى !!!
أنا ::: يا دى النيلة دول قارشين ملحتى .. طب ما هو برضه مينفعش نرمى نفسنا فى التهلكة
التلفزيون ::: ما كنت من شوية عامل فيها ثورى دلوقتى كسكست
أنا ::: لأ مش القصد بس ادينى بفكر معاكم.. ما لقمة العيش صعبة والدنيا ضنك وكمان هنزل يوم ما هيتقبض عليا محدش هيعبرنى ولا هطلع ويا عالم ممكن اموت
الكتاب ::: يا عم الاعمار بيد الله ثم انت بتفترض الكلام قبل حدوثه علشان متنزلش .. ما فيه مجموعة لا للمحاكمات العسكرية والثوار بيلفوا ويدوروا على كل المعتقلين علشان يطلعوهم
أنا ::: ونعم بالله بس اصل
الساعة ::: لا اصل ولا فصل احنا غلطانين اننا مستحملينك الفترة دى كلها عايشين معاك
أنا ::: وهو انتوا تقدروا تمشوا ..؟؟؟
القلم ::: طبعًا يلا بينا يا رجالة سيبوكم منه
أنا ::: بس انتم حاجتى وانا شاريكم يعنى انتم ملكى
التيشرت ::: ملك مين يا عم الحج سلاموا عليكم
أنا ::: استنوا بس نتفاهم
الكتاب ::: نتفاهم في ايه ده انت سلبى طول حياتك ويوم ما جه الوقت اللى المفروض تتغير فيه جبتنا ورا ... روح يا شيخ منك لله
أنا ::: طب انا هنزل هنزل والله هنزل
الساعة ::: وايه اللى هيخليك تنزل
أنا ::: ضميرى مأنبنى
النتيجة ::: اشمعنا يعنى ضميرك مأنبك وانت بيهمك حاجة طب ولو مت
أنا ::: صعبان عليا الناس اللى بتضرب دى على ايد المجلس العسكرى ... صعبان عليا اشوف قرايبى واخواتى فى الجيش بيستغلهم المجلس لتحقيق مصالحه ... ده حتى البنات مش رحموهم ... هتسنى ايه اكتر من كده ... كفاية سلبيتى اللى ودتنا فى داهية السنين اللى فاتت دى و لو حصل ومت يبقى هموت شهيد ان شاء الله ... الرسول قال " من سأل الله الشهادة بصدق .. بلغه الله منازل الشهداء وان مات على فراشه "
الساعة ::: ولو اتقبض عليك
أنا ::: مسيرى هطلع فى يوم وايه يعنى لما يتقبض عليا طالما بكافح وبوصل فكرة واكيد هيجى اللى يشيلها ويحميها بعدى
الكتاب::: طب والبيت والاهل والصحاب هينفع تسيبهم ده لو حصلك حاجة اهلك الله اعلم هيبقوا عاملين ازاى
أنا ::: بس اكيد مقدرين وحاسين بالغلب اللى فينا
النتيجة ::: يعنى افهم من كده انك نازل يوم 25 يناير الجاى
أنا ::: يا مسهل ان شاء الله دعواتكم
الكل فى صوت واحد ::: دعواتنا ايه احنا جايين معاك
أنا ::: والله طب كويس
وفجأة الست الواالدة دخلت صحتنى وطلعت كنت نايم ...
ده تفكير لواحد متردد لسه فى النزول وحالته النفسية دى رسالة منى عاوز اوصلهاله لو بيحصلك ده يبقى ده ضميرك ده صوت ضميرك ... اوعى تكتمه لو ضميرك مااااااااااااات هتبقى انت نفسك مت
كنت لا اصدق نفسى هل ما اراه يحدث فعلاً هل ارى للشاشة عينان وانف وفم وتبتسم لى ذهبت مسرعًا أغسل وجهى كى أفق من ذلك الوهم . فإذا بى اجد ان كل شىء اصبح هكذا. وفجأة بدأ يتحدث إلى الجميع !!!!!!!!
التيشرت ::: الثورة ضاعت !!
التلفزيون ::: ده حق الشهداء رااااح !!
شاشة الكومبيوتر ::: فاضل كام يوم وكل النشطاء والثوار يتسحلوا ع السجون وميفضلش فى البلد الا اخواتنا المواطنين الشرفاء !!
الساعة ::: يبقى الثورة ضاعت ومصر ضاعت وحق الشهداء ضاع !!
النتيجة ::: يعنى مستقبل عيالنا نفسه ضاع !!
جريت اخرج من البيت من اللى شوفته لقيت برده بره بيحصلى نفس اللى بيحصل جوا قلت انا اكيد اتجننت بدأت أرد على أى حاجة بتكلمنى
أنا ::: ادينا بنعمل اللى علينا !! يعنى نعمل ايه يعنى ... الشعب قارف ابونا !! اذا كان اهالينا نفسهم مش طايقينا !! واديكوا شايفين كل ما ننزل نطالب بحق البلد دى نتسحل والشارع يسيبنا !!
دخلت البيت
الاباجورة تسألنى ::: انت هتكدب هو انت عمرك نزلت مظاهرة .. ده انت بتتظاهر مع نفسك فى الحلم انت هتشتغلنى !!!
أنا ::: يا دى النيلة دول قارشين ملحتى .. طب ما هو برضه مينفعش نرمى نفسنا فى التهلكة
التلفزيون ::: ما كنت من شوية عامل فيها ثورى دلوقتى كسكست
أنا ::: لأ مش القصد بس ادينى بفكر معاكم.. ما لقمة العيش صعبة والدنيا ضنك وكمان هنزل يوم ما هيتقبض عليا محدش هيعبرنى ولا هطلع ويا عالم ممكن اموت
الكتاب ::: يا عم الاعمار بيد الله ثم انت بتفترض الكلام قبل حدوثه علشان متنزلش .. ما فيه مجموعة لا للمحاكمات العسكرية والثوار بيلفوا ويدوروا على كل المعتقلين علشان يطلعوهم
أنا ::: ونعم بالله بس اصل
الساعة ::: لا اصل ولا فصل احنا غلطانين اننا مستحملينك الفترة دى كلها عايشين معاك
أنا ::: وهو انتوا تقدروا تمشوا ..؟؟؟
القلم ::: طبعًا يلا بينا يا رجالة سيبوكم منه
أنا ::: بس انتم حاجتى وانا شاريكم يعنى انتم ملكى
التيشرت ::: ملك مين يا عم الحج سلاموا عليكم
أنا ::: استنوا بس نتفاهم
الكتاب ::: نتفاهم في ايه ده انت سلبى طول حياتك ويوم ما جه الوقت اللى المفروض تتغير فيه جبتنا ورا ... روح يا شيخ منك لله
أنا ::: طب انا هنزل هنزل والله هنزل
الساعة ::: وايه اللى هيخليك تنزل
أنا ::: ضميرى مأنبنى
النتيجة ::: اشمعنا يعنى ضميرك مأنبك وانت بيهمك حاجة طب ولو مت
أنا ::: صعبان عليا الناس اللى بتضرب دى على ايد المجلس العسكرى ... صعبان عليا اشوف قرايبى واخواتى فى الجيش بيستغلهم المجلس لتحقيق مصالحه ... ده حتى البنات مش رحموهم ... هتسنى ايه اكتر من كده ... كفاية سلبيتى اللى ودتنا فى داهية السنين اللى فاتت دى و لو حصل ومت يبقى هموت شهيد ان شاء الله ... الرسول قال " من سأل الله الشهادة بصدق .. بلغه الله منازل الشهداء وان مات على فراشه "
الساعة ::: ولو اتقبض عليك
أنا ::: مسيرى هطلع فى يوم وايه يعنى لما يتقبض عليا طالما بكافح وبوصل فكرة واكيد هيجى اللى يشيلها ويحميها بعدى
الكتاب::: طب والبيت والاهل والصحاب هينفع تسيبهم ده لو حصلك حاجة اهلك الله اعلم هيبقوا عاملين ازاى
أنا ::: بس اكيد مقدرين وحاسين بالغلب اللى فينا
النتيجة ::: يعنى افهم من كده انك نازل يوم 25 يناير الجاى
أنا ::: يا مسهل ان شاء الله دعواتكم
الكل فى صوت واحد ::: دعواتنا ايه احنا جايين معاك
أنا ::: والله طب كويس
وفجأة الست الواالدة دخلت صحتنى وطلعت كنت نايم ...
ده تفكير لواحد متردد لسه فى النزول وحالته النفسية دى رسالة منى عاوز اوصلهاله لو بيحصلك ده يبقى ده ضميرك ده صوت ضميرك ... اوعى تكتمه لو ضميرك مااااااااااااات هتبقى انت نفسك مت
على رزق
9/1/2012
