علشان الكدب اللى بقى علنى فى وسائل الاعلام كلها لمجرد انه مرشح رئاسى مع انه واحد فلول من النظام السابق ومسك وزير خارجية وليه ملفات وتاريخ اسود ويقولك مؤتمر شعبى واللى حاضرين مش محصلين 500 واحد منهم يجى 50 مننا او 60 ويتقال على اهل الشرقية وشباب الشرقية انهم بلطجية ... انا هحكى بأمانة ربنا اللى حصل امبارح واللى انا شفته بعينى دى واللى حصل كالآتى :
دخلت انا واصحابى حسن العريان والشباب نادى الشرقية قبل ما يبدأ المؤتمر بساعة يعنى الساعة 5 بالكتير 5:15 وبعد ما دخلنا دخل مجموعة شمامين وعيال شكلها غلط ومعاهم طبل وبيغنوا " اوه اسمعلاوى اوه اسمعلاوى " وبيهتفوا لعمرو موسى ومن الواضح انهم البلطجية بتوعه .. المهم الشباب بتوعنا ضحكوا وقعدوا يهزروا ويقولوا معاهم وبعدين بعدنا عنهم تماما ورحنا فى الجهة المقابلة من القاعة وفيه بعضهم جه ورانا المهم لما دخل عمرو موسى والعيال دى بتحييه وبيطبلوا ومش عارف ايه . اللى بيقدم المؤتمر جه يبدأ اشتغلنا احنا فى الأزرق بقى ومش مهنيينه على كلمة وحسن والشباب قعدوا يهتفوا بنحبك يا ريس بهدف ان الكلام يتلغوش عليه .
بعدها طلعت انا وحسن العريان بره وجه ورانا واحد من العيال الشمامة بتاعته وشكله واحد ماسك حاجة فى الحملة بتاعته وبيقولنا مينفعش كده ومش دى اخلاق الثورة ساعتها قولناله احنا مع الريس .. ومشى الواد ده اتفقت انا وحسن ان اول ما تتعمل الاشارة نقوم نهتف ضده وضد الفلول .
بعد ما دخلنا لقينا العيال البلطجية بتوع عمرو موسى بيعملوا علينا كمين فيه بنات طلعوا بره ساعتها ولما فايد هتف وقال يسقط يسقط حكم العسكر وهتفنا نقول قول قول قول ... عمرو موسى فلول والشباب رفعوا اليفط اللى احنا محضرينها ومكتوب عليها " عمرو موسى يا عميل .. بعت الغاز لإسرائيل " وشوية كلام من اللى قلبك يحبهم جم المنظمين للحملة يزقوا فينا والعيال البلطجية بتوع عمرو موسى رفعوا فى لحظتها الكراسى ونزلوا حدف فينا بالكراسى والزجاج واي حاجة بتيجى فى ايدهم وفيه ناس اتصابت نعرفها كان طبيعى انك ترد الاعتداء وفى الاخر البلطجية دول جريوا من القاعة وبيهربوا على الاتوبيسات بتاعتهم. وخدوا الاتوبيسات وهربوا وسابوا عمرو موسى فى النادى وطلع الدور التانى ومعاه ناس من اعضاء حملته.
اتكلمت مع واحد منهم من اسماعيلية اسمه محمد تايجر قالى انا كنت ماسك 6 ابريل الاسماعيلية .. قلتله انت متعرفش حاجة بقى لأن عمر ما فيه حد فى 6 ابريل هيرشح عمرو موسى أو هيأيده ... قالى ما انا سبتها قلتله انت فى 6 ابريل ايه قالى 6 ابريل المستقلة .. ساعتها عرفت انه فلول على طول وحزب وطنى لأن مفيش حاجة اسمها 6 ابريل المستقلة ... ولما خليت صاحبى محمد حلمى يتصل بواحد صاحبنا فى القاهرة مسئول فى 6 ابريل وقلتله قالى لأ منعرفوش وعمره ما كان فى 6 ابريل .. الواد محمد تايجر ده كمل كلامه معايا وقالى احنا ضيوفكم ومينفعش اللى حصل وانتوا غلطتوا دخلت فيه شمال فى الكلام وقلتله انت بتتكلم ليه انت كنت حواليه على المنصة وساعة الضرب مشوفتش حاجة وقلتله على اللى حصل بالظبط . لقيته بيقولى واحد اسمه محمد عبد الرحمن القليوبى هو اللى سبب المشكلة دى كلها وانه من 6 ابريل قلتله انا اعرف كل 6 ابريل الشرقية وكلهم صحابى وحبايبى سكت. وواحد تانى بيقولى انا ماشى معاه بس مش هرشحه قلتله يبقى انت قابض فلوس سكت ومشى.
اتكلمت مع واحد منهم من اسماعيلية اسمه محمد تايجر قالى انا كنت ماسك 6 ابريل الاسماعيلية .. قلتله انت متعرفش حاجة بقى لأن عمر ما فيه حد فى 6 ابريل هيرشح عمرو موسى أو هيأيده ... قالى ما انا سبتها قلتله انت فى 6 ابريل ايه قالى 6 ابريل المستقلة .. ساعتها عرفت انه فلول على طول وحزب وطنى لأن مفيش حاجة اسمها 6 ابريل المستقلة ... ولما خليت صاحبى محمد حلمى يتصل بواحد صاحبنا فى القاهرة مسئول فى 6 ابريل وقلتله قالى لأ منعرفوش وعمره ما كان فى 6 ابريل .. الواد محمد تايجر ده كمل كلامه معايا وقالى احنا ضيوفكم ومينفعش اللى حصل وانتوا غلطتوا دخلت فيه شمال فى الكلام وقلتله انت بتتكلم ليه انت كنت حواليه على المنصة وساعة الضرب مشوفتش حاجة وقلتله على اللى حصل بالظبط . لقيته بيقولى واحد اسمه محمد عبد الرحمن القليوبى هو اللى سبب المشكلة دى كلها وانه من 6 ابريل قلتله انا اعرف كل 6 ابريل الشرقية وكلهم صحابى وحبايبى سكت. وواحد تانى بيقولى انا ماشى معاه بس مش هرشحه قلتله يبقى انت قابض فلوس سكت ومشى.
حصل بعد كده اننا اتفقنا شباب الشرقية ان عمرو موسى هيمشى ومحدش هيتعرضله لأننا مش بلطجية ولأننا جينا نعبر عن رأينا بطريقة متحضرة ولأن اللى عملوا المشكلة واصابوا زمايلنا هربوا وجريوا ... اللى انا متأكد منه ان عمرو موسى طلع بفضلنا وحمايتنا احنا ومدير الامن يشهد على ده وطلع شهد بده فى قناة الحياة امبارح. وعمرو موسى طلع من النادى فى حدود الساعة 9 ومن البوابة الرئيسية من النادى مش من الباب الخلفى يعنى احنا لو بلطجية كنا عملنا فيه حاجة وطالع قصادنا واحنا قصاد النادى ...
د/ عبد المنعم ابو الفتوح عمل مؤتمر فى الشرقية فى جامعة الزقازيق ومحدش اتعرض له ود / البرادعى برده عمل مؤتمر فى الشرقية وكمان الشيخ / حازم صلاح ابو اسماعيل ... يعنى الناس بتيجى مش بيحصلها حاجة ... انما واحد فلول وجاى ببلطجيته وجاى يبلطج علينا فى بلدنا طبيعى يترد على بلطجيته وهو طلع سالم وفى حمايتنا بعد ما بلطجيته سابوه ..
الشرقية أهل الكرم والضيافة والأصول ومعروفين فى مصر كلها بكده ... يا ريت بقى العالم الزبالة والاعلام الزبالة يبطل كدب .. وهو وحملته الزبالة يبطلوا كدب ...
انما هنعمل ايه فى صحافة دعارة واعلام دعارة طبلة وزمارة وصحفيين ومراسلين معندهمش ريحة المهنية او ريحة الدم باللى نشروه.
على رزق
28/2/2012
