الثلاثاء، 6 أكتوبر 2015

التعليم الجامعي في مصر بنهكة الدم والاعتقال


واقع الجامعات المصري بات مقدماً فيه القمع على التعليم. فكان القتل والاعتقال والاختطاف داخل المدرجات، وفي الساحات الجامعية، التي غرقت بدماء نحو 20 طالبًا في العامين الماضيين، علاوةً عن القتل في التظاهرات بالشوارع والتصفية الجسدية المباشرة إبان المطاردات الأمنية للطلاب، ليصل إجمالي القتلى من الطلبة الجامعيين منذ يوليو 2013 وحتى فبراير الماضي إلى 228 طالبًا وطالبة.

وقع رهن الاعتقال العام الدارسي الفائت وحده نحو 1528 طالب بينهم 119 طالبة، بحسب مرصد حرية طلاب، كان من بينهم 658 حالة اعتقال  تمت من الحرم الجامعي، والأمر لا ينتهي هنا حد الاعتقال بل بتجاوز ذلك بالتعذيب والمعاملة الغير إنسانية التي تليه.

‏ قرارات المجلس الأعلى للجامعات المصرية والتي نصت على ‏منع التظاهر داخل الجامعات، وضرورة الحصول على إذن مُسبق ‏من رؤساء الجامعات قبل التظاهر، قوبلت بالرفض في بيان رسمي من قبل الحركات الطلابية والقوى السياسية، وقع عليها ممثلون من الحركات الطلابية، المتمثلة في طلاب 6 أبريل، ‏وطلاب مصر القوية، وطلاب حزب الدستور، ‏وطلاب 6 أبريل الجبهة الديمقراطية، ‏وطلاب الاشتراكيين الثوريين، وطلاب حركة مقاومة، وطلاب حزب المصري ‏‏الديمقراطي الاجتماعي.

عام جديد يبدأ وموجة جديدة من النضال والحراك الطلابي يتم الإستعداد لها تحت عنوان " جيل يتحرر "، حيث دعى طلاب ضد الانقلاب وإتحاد طلاب مصر إلى إستمرار التظاهرات داخل الجامعات المصرية لمناهضة الانقلاب من جهة ولإستعادة حقوق الطلاب من جهة أخرى. كما أعلنت حركة طلاب الحرية بجامعات مصر؛ عن أربعة مطالب طلابية "وليست سياسية"، داعية جميع الحركات الأخرى للانضمام إليها، والتي تتمثل في "تعديل اللائحة الطلابية، وإلغاء الأحكام القضائية بحق الطلاب، وعودة الطلاب المفصولين، وإخراج الأمن خارج الجامعات وعدم استدعائهم إلى الحرم الجامعي"، مؤكدة أن رفض تلك المطالب "سيدخل الطلاب في نضال سياسي مع السلطة".

مع إستمرار الحراك الطلابي على مدار ثلاثة أعوام تتأكد مقولة إن الجامعات ليست أبراجاً عاجية، ولكنها الطليعة التى تقود الشعب نحو مستقبل أفضل.

علي رزق
3-10-2015

تطور الأوضاع في سوريا



"سيكون خطأ كبيرا عدم التعاون مع الذين يحاربون الإرهاب، وعلينا أن نقر بأن لا أحد سوى القوات المسلحة للرئيس الأسد تقاتل فعلا تنظيم الدولة الإسلامية ومنظمات إرهابية أخرى في سورية".
بتلك الكلمات استهل بوتين القضية السورية في كلمته في الأمم المتحدة يوم الاثنين الماضي. ليبدأ العالم تناسي القاتل الأساسي للشعب السوري ألا وهو نظام بشار الأسد. ذاك النظام الذي قابل هتافات شعبه بالبراميل المتفجرة. نظام حصد أرواح السوريين على مدار أربعة ولا يزال، ولم يتورع عن إستخدام الأسلحة الكيماوية في حق شعبه. ليخرق بكل الأفعال القانون الدولي ومواثيق الأمم المتحدة ويُصنف طبقاً لذلك القانون كمجرم حرب.
نفذت موسكو أولى غاراتها الجوية ضد مواقع في حماة وحمص واللاذقية الأربعاء، وذلك بعد أن منح مجلس الاتحاد الروسي الرئيس فلاديمير بوتين تفويضا باستخدام القوة العسكرية في الخارج. ومما لا شك فيه أن الضربات الروسية نفذت بالتعاون مع السلاح الجوي السوري، واستهدفت مناطق غمام وجبل زويد ودير حنا في شمال شرق اللاذقية، وبلدتي اللطامنة وكفر زيتا في حماة، ومدينتي الرستن وتلبيسة في ريف حمص، مما أدى إلى مقتل العشرات من المدنيين جراء القصف الروسي.
يأتي هذا التطور بعد أن أجاز مجلس الاتحاد الروسي في جلسة عقدها الأربعاء، الرئيس فلاديمير بوتين، استخدام القوة العسكرية في الخارج، وذلك استجابة لطلب تقدم به الأخير، وكشف رئيس الإدارة الرئاسية إيفانوف أن الرئيس السوري بشار الأسد طلب من روسيا تقديم مساعدات عسكرية لدمشق.
قد يظن البعض أننا على أعتاب حرب عالمية جديدة يكون الصراع القائم في سوريا هو محورها. ولكن ما تؤكده المؤشرات وتداعيات الاتفاق بين الرئيس باراك أوباما ونظيره الروسي فلاديمير بوتين يوم الاثنين الماضي على عقد مباحثات مستقبلية بشأن العمليات العسكرية للبلدين في سورية تجنبا للصدام، وتأييد فرنسا على التدخل الروسي في سوريا، أننا أمام دعم كامل لنظام الأسد بدعوى الحرب على الإرهاب وخاصة بعد أن أعلنت واشنطن وقف برنامج تدريب المعارضة السورية.


توحد الخطاب الدولي داخل اجتماعات الدورة 70 للأمم المتحدة حول بقاء الأسد كجزء من الحل السياسي، يؤكد على وأد ثورة الشعب السوري وقتل طموحه بغد أفضل، بل قد يصبح محاولات مبدأية لبداية مشروع التقسيم داخل سوريا.

علي رزق
30-9-2015

الأربعاء، 21 أغسطس 2013

دولة العواجيز -- مهاترات شاب مصرى من الشعب ابن الكلب




بقالى كتير مكتبتش .. بس من عادتى انى اصلا مبكتبش غير لما ببقى على وشك الانفجار.. والنهاردة انا لا بكتب مقال ولا بكتب رأي ولا بذكر تاريخ قريته ... ولكن هي مجموعة من المهاترات النفسية اللى تمخضت وولدت على الحالة المقرفة لبلدنا المقرفة 

 قبل ما اكتب اي حاجة لما بدات اكتب الكلام افتكرت كلمة عبد الرحمن الابنودى فى قصيدته (واحنا ولاد الكلب الشعب) وحسيت معنى الكلام لأول مرة فعلاً 
كم أنت رائع يا أبنودى 

كل من على الساحة المصرية بكل الانتماءات الفكرية والايدلوجيات والوسائل والمؤسسات فلقتوا وقرفتوا اهلى

هو ايه سبب فشل الثورة الاول
الإخوان - 6 إبريل - الدستور - البرادعى - الليبراليين - العلمانيين - السلفيين - المسيحيين - اليساريين - تمرد

حمرا يعنى حمرا بجد البوستات بقت تخنق والفيس بقى يخنق من كتر القرف اللى فيه
هو سبب فشل الثورة
30 يونيو ... يعنى هى الثورة مفشلتش غير بعد 30 يونيو

الا بالحق على مدار 3 سنين
فاكرين الاحداث ولا مش فاكرين ؟؟؟
1- فض إعتصام التحرير 25 يناير 2011 الساعة 12 بالليل
2- نزول الجيش يوم 28 يناير 2011 الى الشوارع
3- موقعة الجمل بتأمين قوات الجيش والحرس الجمهورى لدخول البلطجية 2 فبراير 2011
4- تنحى مبارك 11 فبراير 2011
5- فض اعتصام التحرير يوم 28 فبراير 2011
6- فى يوم 2 مارس 2011 إعلان الاستفتاء على تعديل الدستور المصري في يوم 19 مارس 2011
7- فى يوم 3 مارس 2011 نتيجة للاعتصام الشديد ضد الفريق أحمد شفيق. تقدم أحمد شفيق باستقالته من منصب رئيس الوزراء وتسلم المنصب الدكتور عصام شرف
8- فى يوم 4 مارس 2011 اقتحام المتظاهرين لمبانى أمن الدولة
9- فض اعتصام التحرير يوم 9 مارس وكشوفات العذرية
10- استفتاء 19 مارس 2011 على التعديلات الدستورية بأغلبية 77 % نعم
11- فض اعتصام ضباط 8 إبريل 2011 بالتحرير
12- ثورة الغضب المصرية الثانية 27 مايو 2011
13- أحداث مسرح البالون فى 28 يونيو 2011
14- إعتصام 8 يوليو 2011
15- مسيرة 6 إبريل إلى وزارة الدفاع 23 يوليو 2011
16 - بيان المجلس العسكرى بخصوص 6 إبريل يوم 23 يوليو 2011
17- فض إعتصام 8 يوليو يوم 1 أغسطس 2011 الموافق 1 رمضان
18- مسيرة لطرد السفير الإسرائيلى 9 سبتمبر 2011
19- أحداث ماسبيرو 4 أكتوبر
20- إعتصام 18 نوفمبر 2011 لرفض وثيقة على السلمى
21- فض إعتصام 18 نوفمبر من قبل الداخلية وبداية أحداث محمد محمود يوم 19 نوفمبر 2011
22- فض إعتصام محمد محمود من قبل الشرطة العسكرية 20 نوفمبر 2011 ورمي الجثث فى الزبالة
23- 16 ديسمبر 2011 أحداث مجلس الوزراء
24- 25 يناير 2012 مسيرات تجوب الجمهورية لإسقاط حكم العسكر
25- 1 فبراير 2012 مجزرة بورسعيد
26- انتخابات الجولة الأولى للرئاسة فى 23 و24 مايو 2012
27- انتخابات الإعادة فى 16 و17 يونيو 2012
28- محمد مرسى رئيس للجمهورية 30 يونيو 2012

وطب بعد ما محمد مرسى مسك
دم حد من الناس اللى ماتت فى الاحداث دى جه
لما طلبنا محاكمات ثورية واتقالنا لازم القانون ياخد مجراه
طب بلاش دي ... من اول يوم بعد 11 فبراير واحنا بنعمل ايه
طب الاتحادية واحداثها ولا محمد محمود واحداثه
طب احداث المقطم
طب احداث ولاد الكلب
طب اي احداث

خلينا نلف فى ام الدايرة المغلقة ... خلينا رد فعل على طول ... يلبسونا العمة فننزل نعترض فنموت ونهدى ونقعد وبعدين ننزل تانى

كل الاطراف على الساحة بجد زبالة وزبالة الزبالة
من اخوان لسلفيين لليبراليين ليساريين لحركات شبابية
كله ابن كلب
لازم يكون عندنا اعتراف ابن ستين كلب نفهمه اننا ولاد كلب كلنا
الاعتراف بالحق فضيلة
اعترافك بخطأك فضيلة مش عيب والله

كفاية مزايدة وقرف وهطل وتخلف بقى ... كفاية كفرتونا

وفى النهاية

اسمع يا ابن الشعب حكايتك
أصل شكايتى هي شكايتك
عشت سنين مش لاقى العيش
حرية وكرامة مفيش
فى الاقسام كان التعذيب
واسال عنه الكلب حبيب
هب شباب الثورة وقال
مصر بلدنا فيها رجال
ثورتنا كانت فى يناير
حيوا صمود الشعب الثاير
قولنا الثورة ميعادها خلاص
قاموا واجهونا بالرصاص
فصمدنا وسط الميدان
ومبارك راح اللومان
قولنا بلدنا تعيش وتروق
بس يا صاحبى اخدنا خازوق
مات اصحابنا مات اخواتنا
والنخبة سرقت ثورتنا  (توضيح النخبة بكل ائتلافاتها واحزابها وجماعتها وحركاتها)
قالوا يا شبابنا شيلوا ايديكو
مصر بلدنا كبيرة عليكو
فضل العسكر هو الحاكم
والعسكر لازم يتحاكم
عيشنا فى ذل وازمات
نسانا كل اللى فات
حرق وقتل وفوضى كمان
بلطجية فى كل مكان
مجلس شعب من الطراطير
ولا فيه حل ولا فيه تغيير
قال الناس من كتر الجوع
فين أيامك يا مخلوع
فنزلنا تانى الميدان
قولنا كفاية عليك يا جبان
سلم ام السلطة وغور
لاما عليك برده هنثور
وهتفنا من جوه الازهر
يسقط يسقط حكم العسكر
واشهد يا محمد محمود
كانوا ديابة وكنا اسود
وبعد ما سال دم اللى مات
بالعافية عمل انتخابات
اتاريه بيتكتك من تانى
لإما الفل او الاخوانى
اما مرسى واما شفيق
حسيت الدنيا بتضيق
مش قولت انتخابات وتروق
البس تانى احلى خازوق
ساعتها عرفت انى حمار
والعسكر لبسنى حوار
بس رجعت وقولت لعل
خلينى اتفرج واتسلى
فجاة لقيت الدنيا سواد
مش شايف الريس يا ولاد
رحت افوق نفسى بمية
خذلتنى والله الحنفية
طب قولى فى الاعلام
مين بيفشل فى النظام
الاقيه بيمجد فى الشرطة
والعسكر حلوين والسطة
تبقى الازمة جاية منين
اتشال مرسى بعد يومين
فجأة اتحلت كل حاجة
أصل الأزمة مش محتاجة
بقت الدنيا قشطة وفل
ده العسكر بيلاعب الكل
شال مندوبه وجاب طرطور
قال ايه هيحكمنا منصور
وبرده هيرجع يعمل ازمة
اصل دى عادة ابن الجزمة
علشان ننزل تانى نقول
عاش العسكر والفلول
هاتوا مبارك هاتوا حبيبب
انا بعشق طعم التعذيب
انا عايز فى القسم اتهان
مش هرجع تانى الميدان
انا عايز احيا فى الزحمة
انا كاره للعيش واللحمة
ماله الفول وماله الكشرى
احسن من منصور الكشرى
لو مش ناوى دلوقتى تفوق
يبقى هتلبس تانى خازوق
وهى دولة العواجيز
الفساد جوه الدهاليز
فيها الشعب هيفضل لعبة
يلبعها العسكر والنخبة (توضيح برده النخبة بكل ائتلافاتها واحزابها وجماعتها وحركاتها)
اوعى تسلم ليهم واصبر
بكرة ربى وربك ينصر




ده فيديو للقصيدة اللى فوق دى

http://www.youtube.com/watch?v=4ZARt4CTl6c

كلمة هقولها (متحدين نقف متفرقين نسقط)
يا رب الناس تفهم :/ 


على رزق
21/8/2013

الجمعة، 29 مارس 2013

بطل من ورق


حدثونا فى صغرنا عن حب وطننا مصر. وكم هى عظيمة مصر وعلى مر 23 عامًا هى عمرى لم أجد مصر عظيمة إلا على الورق. بل إن ما ندرسه فى التاريخ عن بطولات أبنائها لم نجده سوى على الورق. مرت ثلاثة وعشرون عامًا من عمرى لم أجد فيها عظمة مصر إلا فى ثمانية عشرة يومًا تغلغل فيها عظم مصر بداخلى وأنا أرى شعبها ينتفض يومًا بعد يومًا باحثًا عن عظمة تاهت على مر العصور. وفى اليوم الذى تنحى فيه المخلوع وفرح بذلك القاصى والدانى ومن اليوم الثانى بدأت تلك العظمة تبتعد عن قلبى مرة أخرى. لم أجد عظمة بلادى إلا فى جيل وشباب التغيير. يومًا بعد يوم صامدون على سلكهم وعلى دربهم. منذ أول يوم عيش حرية كرامة إنسانية لا عيش وجدوا ولا حرية وجدوا ولا كرامة إنسانية وجدوا. حين نرى أن المنظومة لا تتغير قيد أنملة بل من يتشدق ويتمسح فى الثورة هو فى الأصل أبعد ما يكون عنها. منظومة تعليمية فاشية وفاشلة من أعلى المسئولين حتى أقلهم مسئولية. منظومة صحية أقرب ما تكون من أحد سبل الموت فى عصرنا هذا. منظومة أمنية معوقة عاهرة على أى سرير لأى نظام أتى. حين نجد جيل وشباب التغيير يناضل من أجل حقه فى التعليم فتنقض عليه عقلية الأمس والماضى لتلتهمه كما حدث فى جامعة النيل من قبل وسكتت عنه الأمة بأكملها. لنجد المشهد يتكرر بكل مأساوية وبكل فظاعة وبصورة أبشع فى جامعة مصر الدولية حين نجد أمن الجامعة يتعرض للطلاب بالضرب والاعتداء وتقع الإصابات فى صفوف الطلاب.

يومًا بعد يوم الوضع يزداد من السىء للأسوأ ويومًا بعد يوم يصرخ شبابنا أكثر ويومًا بعد يوم يموت صراخهم إما بالقمع والإرهاب وإما بالسحل والتعذيب وإما بالقتل والتمثيل بسيرة خيرة شباب هذا الوطن. خيرة شباب هذا الوطن يدفن حيًا عن طريق تعليل وتقييد لعقله وفكره مسمى بالتعليم.


هل تنتظر عقليات الماضى بكل ما يحملوه من أسس رجعية فى حل المشكلات وفى النظم الإدارية إلى ثورة شباب دموية تطيح بهم لتفرض ديكتاتورية شبابية على عصر من العصور.

لا نهضة لأمة بدون شبابها وحتى يومنا هذا خير شباب لهذا الوطن لم يكون بمكانه الصحيح. أغيثوا ذلك الوطن العظيم والا مستقبلنا سيكون مثل حاضرنا ولن تكون العظمة ولا البطولة إلا على الورق.

على رزق
29/3/2013 

الخميس، 14 مارس 2013

مناجاة ليلية لحبيبتى


إذا أردت البكاء سأبكى ... فما جف الدمع ولا إنتهى شوقى
وما الجفن يطرق ضعفًا ... وما يريد الحزن سوى قتلى
آهات تعلو فى الصدر ... وضعف يولد ويكبر كما الطفلِ
عصافير تشدو بألحان ... كما الريح يسرى كالصرير فى الليلِ
إن دل ما فى النفس ... فإنما يدل على العطلِ
أبالقلب تسرى الآلام ... أم أن المصدر العقلِ
أيا عشقِ ملأ الفؤاد أريجه ... أمرضت أم أنك تعانى من المللِ
ملل الإنتظار ... لقلب وعشق للعهد الطويلِ
حب تهاوى بالفؤاد ... حطم ما بنا من القيد والأغلالِ


على رزق
11/10/2012

الخميس، 22 نوفمبر 2012

حملة التدوين الأسبوعى :: ثوار أحرار هنكمل المشوار


تمر الأيام يومًا بعد يوم ويتزايد سؤالنا هل سنشعر بأن للمواطن المصرى ودمه كرامة وحرمة أم أنها مجرد تكهنات وأمنيات لا تتحقق.
قمنا بثورة نهتف فى مسيراتها وفى شوارع بلادنا "عيش-حرية-كرامة إنسانية". "تغيير-حرية-عدالة إجتماعية". فأين العيش والحرية والكرامة الإنسانية هل هي شعارات انتهى زمانها وولت منذ زمن وحُكم على هذه الأمة أن تظل فى قاع الأمم. عندما وصلنا إلى الإعادة ما بين مرسى وشفيق الكثير من شباب الثورة وكثير من الأهالى الداعمين للثورة قرروا إختيار مرسى رئيسًا أملاً فى أن يكون طوق نجاة لهذه الثورة كما يحلمون. وتردد وقتها كثير من تلك العبارات والكلمات "أُعصر على نفسك لمونة وإنزل إنتخبه". فكانت نتيجة الانتخابات بفوز محمد مرسى.
لا يجوز كما يقال فى العرف السياسي أن تحكم على رئيس لم يكمل من توليه الحكم نصف العام بعد. ولكن هناك بوادر حكم. لم يخرج علينا مرسى ليوضح لنا جدولاً زمنيًا ورؤية لأعوامه بل إن وعوده حتى لم ينفذ منها شيئًا ... وتسير حكومته متخبطة وبخطوات متثاقلة تذكرنا بالحكومات الانتقالية لعصام شرف وكمال الجنزورى. وكأننا سنعيش عصر الحكومات الإنتقالية المتعاقبة. إهمال حكومى لكل شىء فى الدولة من أمن وعيش وحرية وصناعة وزراعة وما إلى غيره. فيكون نتيجة الإهمال قطر الموت وطريق تعليم نهايته الموت فى أسيوط فقتل قطر الإهمال واللامبالاة لهذه الدولة 60 طفلاً من مستقبل بلادنا. ثم تتجدد الأرقام فى الحوادث على الطرق ليصل من ماتوا فى هذا اليوم المشئوم 169 مواطن مصرى. بعد يومين تأتى ذكرى أحداث محمد محمود لنجد المشهد يتكرر مرة ثانية وتسيل دماء جديدة على يد من هم بالمفترض حماة الوطن. تتجدد الإصابات ويسقط شهداء جدد كان أولهم جابر صلاح "شاب بالثانوية العامة" ليخرج علينا بعض العقول لتردد علينا كلمات ليست بالجديدة وإنما هى كلمات لطالما سمعناها على مدار العامين المنصرمين "هؤلاء مأجورون..هؤلاء هم بلطجية..ماذا يريدون؟" فالضحية شاب لم يصل للحرم الجامعى بعد. والمقبوض عليهم شباب فى مقتبل العمر فى مراحل تعليمية مختلفة من تعليم أساسي لتعليم متوسط " الثانوية العامة " لتعليم جامعى ولا تزال تلك الأفواه تطلق علينا صفيرًا موحدًا " أوقفوا نزيف الوطن .. هؤلاء البلطجية والقتلة .. هؤلاء يريدون زعزعة الإستقرار وحرق مقدرات الوطن ".
تبًا لكل تلك الأفواه وتبًا لكل تلك العقول. سئمنا تعليقاتكم وآرائكم لم كل من يسقط شهيدًا نجده طالبًا او شيخًا او عالما او مهندس او دكتور. هل مستقبل هذا البلد الذين يسقطون يومًا بعد يوم هم بلطجية وعملاء يريدون دحر وقتل مقدرات الوطن.
تبًا لكم آلاف المرات. سنظل نرددها "ثوار أحرار هنكمل المشوار" وسنظل نردد "عيش-حرية-كرامة إنسانية" ونردد "يا شهيد نام واتهنى..واستنانا على باب الجنة" "القصاص القصاص قتلوا اخواتنا بالرصاص" و "الشهدا قالوها خلاص..اتعلمنا اللأه خلاص"
وفى نهاية تلك التدوينة أدعو لكل شهداء الشعوب التى قامت من أجل الكرامة الإنسانية. أدعو لشهداء سوريا ومصر وليبيا وتونس واليمن وكل الربيع العربى
وأقتبس كلمات من أغنية لفرقة اسكندريلا" شهدا يغنوا وشهدا يطيروا..شهدا اعتصموا وشهدا شهود..شهداء بيجوا من ماسبيرو ويزوروا محمد محمود ".

على رزق
22/11/2012 

الاثنين، 19 نوفمبر 2012

أحبك يا بلادى أحبك يا مصر




طويت ذكرياتى و احزانى
ونظرت أمامى

فجمعت شتات اركانى 
وبدأت فى تحقيق احلامى

و اتخذت خطواتىوشعرت
بمستقبل مشرق امامى
 
فرجعت الى تاريخ وامجاد اجدادى
و منها استمد قوتى
واشعر بكيانى 
وحبى لوطنى مصر
فبحبها اصبر على طول ايامى


 رباعياتى
على رزق
19/11/2012

هم ملايين



تلك القصيدة كتبتها بالتحديد فى 6 ديسمبر عام 2010م أصف بها حالنا نحن شعوب العرب وكم التخاذل تجاه القضية الفلسطينية والقدس ولم أنشرها ولكن بعد الربيع العربى وبعد العدوان الصهيونى الايام السابقة قررت نشرها لأن حال الشعوب العربية لم يتغير بالكثير بعد الربيع العربى..أرجو أن تنال إعجابكم 


قمنا نقول فى الانتفاضة

يا فلسطين يا فلسطين
وراسنا عليها
الوسخ والطين 

صوتنا مش مسموع

ما حكامنا نايمين 
عاملين فيها طرش
مش سامعين
مالهم هما بفلسطين
قولولي مالهم بفلسطين

ما هم فى قصور
عايشين 
يؤمروا وشعوبهم تقول آمين   

أبتدى منين وأقول لمين

مليش حد غير رب العالمين
أشكيله همى وهم ملايين
فى بلادهم زى المساجين
لا ينطقوا بكلمة حتى لو متهانين
تحت الرجول متداسين

حكام بيناموا شبعانين

على خير بلادهم مكوشين
وشعوبهم من الجوع ميتين
 وهما للبلد مخصخصين
ولخير بلادهم ناهبين

قتلوا الصدق والامانة

نشروا الرشوة والخيانة
دول ولا الشياطين

هما السادة واحنا العبيد

بلاد الكلمة فيها للقوي
أما الضعيف الفقير
تحت الرجلين

كل مسئول يلعب بينا 
شويتين
يقعد ع الكرسى ينهبلوا قرشين 

لا يهمه شباب على القهاوي مستنين

هيموتوا على شغل ومش لاقيين

ولا  مرضى فى مستشفى مترميين

ولا شعوب من فسادهم مظلومين 

ولا اللى على بره مهاجرين

شباب وبنات من بلادهم مطرودين 

سايبين البلد للبطجية والرقاصين

ممثل يطلع يتكلم فى الدين
ويوعظ وينصح .. على إنه دارس وشيخ أمين

وفنانة تتكلم ع الحجاب وتتريأ

ع المختمرين المنقبين المحجبين
اللى لعرضهم صاينين

ويقولوا ع الاعلام واللى ماسكينه

دول ادبا مثقفين
وهما لا يعرفوا الشمال من اليمين

عشان كورة يوقعوا بين أخين

ولنار الفتنة بينهم مشعللين
ويقولولك دول ادبا مثقفين

واحنا مكتومين ... واحنا مكتومين


الحزن والهم والدم .. 
والشقى شايلين
غلا وطوارىء فقر .. جهل تخلف شايفين

طب يعملوا ايه سعدواى ومحمدين

يشقوا وحق اللقمة مش لاقيين
ولا ع التعليم قادرين
وعلى طول راضيين
عن حقهم ساكتين..عن حقهم
وحق أولادهم وأولاد ولادهم
ساكتين

مش بقولكوا على راسنا

الوسخ والطين

وأما يتكلموا ع الشباب يقولوا

دول عصب البلد المتين
لازم يتعلموا احسن تعليم

وهما للعلما والأئمة طاردين

ولو اتنين فكروا يصلحوا بلدهم
ع السجون من غير محاكمة معتقلين

البلد بقت خلاص للشمامين

ورجال أعمال جزارين
بيعملوا فيها اللى هما عايزين 
ويزودوا المخدرات
ما عايزينا مغيبين 

عايشين متسلطنين متكيفين

ويوم بعد يوم يزودوا
فسادهم حبتين 

عايزينا نفضل تايهين

ما بين البومات المغنيين..
وأفلام الرقاصات والممثلين

لازم نفضل على طول غرقانين

واما نتكلم ونصرخ من الألم
لحالنا وحال البلد متسغربين

يقولوا انتوا لسه صغيرين

اسكتوا منتوش فاهمين
انتوا لسه صغيرين
أما هما
هما الكبار المتعلمين
المتنورين
اللى على طول فاهمين

لأ دول أكيد مجانين

نسيوا مجازر تمانية واربعين
نكسة سبعة وستين
قضية كل مسلم وكل عربى
نسيوا الشيخ رنتيسي والشيخ ياسين
واللى فى غزة ولبنان
القدس وعكا وحيفا شهدا وميتين
حاطين إيدهم في إيد
صهاينة ملاعين 
ع العالم مسيطرين
مالهم هما بفلسطين..قولولى مالهم هما بفلسطين

وقال ايه اسمهم عرب ومسلمين

وانهم دايمًا متجمعين
دول عمى بقى مش شايفين
انهم دايمًا مختلفين
ويقولولك خارطة الطريق 
وسلام لفلسطين
    
مش بقولكو على راسنا
الوسخ والطين

حكام خونة مرتشين

على كراسى الحكم متبتين
ع الجاه والسلطة خايفين

لسه حاجات كتير مقولنهاش

ما جالنا زهايمر وناسيين
ناسين حقوقنا واجباتنا حياتنا
عيالنا دينا حتى ربنا ناسين 
وإنا بين إيديه واقفين
وأكيد بالصورة دى
على جهنم رايحين
مش بقولكوا على راسنا
الوسخ والطين

فينك يا صلاح الدين

فينك يا جيش حطين
فينك يا ملك صالح

فينك يا نجم الدين

فينكم فينكم يا مسلمين   


على رزق
19/11/2012